Hráfæðisíða Bjarkar

Af hverju eru hrá og lifandi fæða betri ?

Að skipta yfir á hráfæði og lifandi fæðu hefur hjálpað mjög mörgum að líða vel og finna heilbrigði í fyrsta skipti á ævinni.
Hráfæði nærir líkama og frumur með vítamínum, steinefnum, ensímum og öðrum næringarefnum sem skemmast annars þegar við eldum matinn.
Það eru margir þættir sem mæla með hráu og lifandi fæði til þess að næra líkamann en tveir eru þó mikilvægastir, það eru ensímin sem við fáum og svo að líkaminn verður basískari.

Ensím
Þegar við hitum mat yfir 47°C eyðileggjast öll ensím sem hráefnið hafði að geyma fyrir hitun. Þetta er líklega af því að maturinn er ekki lengur lifandi þegar hann hefur verið hitaður svo mikið og allt sem er lifandi reiðir sig á ensím. Við þurfum ensím til þess að gera allt sem við gerum s.s. melta matinn,  ganga, tala og anda.
Við eldumst og það gengur á upprunalegar byrgðir okkar af ensím. Við þurfum að halda þessum byrgðum við með því að fá ensím úr matnum sem við borðum. Matur sem inniheldur engin ensím er lengur að meltast í líkamanum og við göngum á ensíms forðann. Líkaminn er svo upptekin af því að reyna að melta matinn að hann hvílist sjaldan og þannig leiðir eitt af öðru.  Þá fer að safnast upp allskonar matur í ristlinum sem fer svo að eitra út frá sér og leiða til alls konar sjúkdóma.
Hefurðu einhvern tímann velt fyrir þér afhverju maður verður svakalega syfjaður eftir stóra kjötmáltíð ? Það er vegna þess að líkaminn er svo upptekin við að reyna að vinna úr ensímsnauðum matnum .

En hráfæði er ekki bara orkumeiri matur en eldaður heldur finna flestir fyrir því þegar þeir hafa verið á hráfæði  í nokkra daga að hugsunin verður skírari, skapið betra og lundin öll léttari ásamt innri ró. Það er líka vegna þess að heilinn er bara eins og hvert annað líffæri sem þarf næringu.

Basískur líkami (pH)
Flestir sem hafa króníska sjúkdóma eiga það sameignilegt að líkami þeirra er mjög súr en ekki basískur. Fæðan sem vestrænar þjóðir lifa á nú á dögum veldur að mestum hluta sýru í líkamanum, kjöt, fiskur, egg, mjólkurvörur, hvítur sykur, mjöl, pasta, brauð o.s.frv.
Hrátt grænmeti og ferskir ávextir, spíraðar hnetur, fræ og baunir gera líkamann aftur á móti basískari, ef vel ætti að vera ættum við að borða 80% basískann mat og 20% súrann en í dag er það í besta falli öfugt hjá mjög mörgum.

Fengið úr bókinni Living on live food e. Alissa Cohen @2004